സീനിയര്‍ ഗവണ്‍മെന്റ്‌ പ്ലീഡറായിരുന്ന വനിതാനേതാവും കോട്ടമുറിയ്ക്കലും ചേര്‍ന്ന് പാര്‍ട്ടിയുടെ ജില്ലാ ആസ്ഥാനമായ ലെനിന്‍ സെന്ററില് സദാചാര ലംഘനം നടത്തി എന്നാണ് പരാതി. എ കെ ബാലന്‍, വൈക്കം വിശ്വന്‍, എം സി ജോസഫൈന്‍ എന്നിവരടങ്ങുന്ന കമ്മീഷനാണ് ആരോപണം അന്വേഷിക്കുന്നത്. ആരോപണം നേരിടുന്ന വനിതാ നേതാവിന് തൃപ്പൂണിത്തുറ ഏരിയാകമ്മിറ്റിക്ക് കീഴിലുള്ള പാര്‍ട്ടി ബ്രാഞ്ചില്‍ നിന്ന് ഇത്തവണയും അംഗത്വം പുതുക്കി ലഭിച്ചിട്ടുണ്ട്‌. ജില്ലാ സെക്രട്ടറിയുടെ ശുപാര്‍ശ പ്രകാരമാണ്‌ ഈ നേതാവിന് ഹൈക്കോടതിയില്‍ സീനിയര്‍ ഗവണ്‍മെന്റ്‌ പ്ലീഡര്‍ പദവി ലഭിച്ചത്. ഈ സംഭവം നേരത്തെ തന്നെ വിവാദമായിരുന്നു.
പക്ഷേ കോട്ടമുറിക്കലിനെതിരായി പരാതി നല്‍കിയ വി എസ് വിഭാഗം വനിതാനേതാവിനെ ലക്ഷ്യം വച്ചിട്ടില്ല. അതേസമയം കോട്ടമുറിക്കലിനെ വി എസ് വിഭാഗം കുരുക്കിലാക്കിയത് ജില്ലയിലെ എസ് എഫ് ഐ നേതാക്കളെ ഉപയോഗിച്ചെന്ന് സൂചനയുണ്ട്. കോട്ടമുറിക്കലിന്‍റെ മുറിയില്‍ ഒളിക്യാമറ സ്ഥാപിക്കുന്നതിനും അത്യാധുനിക സാങ്കേതികവിദ്യ ഉപയോഗിച്ച് രഹസ്യങ്ങള്‍ ചോര്‍ത്തുന്നതിനും വിദ്യാര്‍ത്ഥി നേതാക്കളെ ഉപയോഗിച്ചതായാണ് സൂചന.
‘കോട്ടമുറിക്കല്‍ ഓപ്പറേഷ’നു പിന്നില്‍ എസ് എഫ് ഐ നേതാക്കള്‍ ഉള്‍പ്പെട്ടിട്ടുണ്ടെന്ന് ബോധ്യമായതിനെ തുടര്‍ന്ന് പാര്‍ട്ടിയുടെ ജില്ലാ ആസ്ഥാനമായ ലെനിന്‍ സെന്ററില് കയറുന്നതില്‍ നിന്ന് എസ് എഫ് ഐ നേതാക്കള്‍ക്ക് അപ്രഖ്യാപിത വിലക്ക് ഏര്‍പ്പെടുത്തിയതായി റിപ്പോര്‍ട്ടുകള്‍ സൂചിപ്പിക്കുന്നു.
വി എസ് പക്ഷത്തിന് മുന്‍‌തൂക്കമുണ്ടായിരുന്ന ജില്ലാ സെന്‍റര്‍ പിരിച്ചുവിട്ട് പിണറായി വിഭാഗത്തിന് ആധിപത്യമുള്ള പുതിയ സമിതിയുണ്ടാക്കിയപ്പോഴാണ് എസ് എഫ് ഐ നേതാക്കള്‍ക്ക് ജില്ലാ കമ്മിറ്റി ഓഫീസില്‍ കയറാനാകാതെ വന്നിരിക്കുന്നത്. എസ് എഫ് ഐ നേതാക്കള്‍ യോഗം ചേരുന്നതും തീരുമാനങ്ങളെടുക്കുന്നതും ലെനിന്‍ സെന്‍ററിലായിരുന്നു. എന്നാല്‍ പുതിയ സാഹചര്യത്തില്‍ എസ് എഫ് ഐ നേതാക്കള്‍ക്ക് അവരുടെ ആസ്ഥാനം മാറ്റേണ്ടിവന്നിരിക്കുകയാണ്.
ചില കോളജുകളുടെ ക്യാമ്പസുകള്‍ എസ് എഫ് ഐ നേതാക്കള്‍ താല്‍ക്കാലിക സെന്‍ററുകളായി ഉപയോഗിക്കുന്നതായാണ് വിവരം. സി പി എം നേതാക്കളുടെ രഹസ്യ ചര്‍ച്ചകളുടെയും മറ്റും വിശദാംശങ്ങള്‍ എസ് എഫ് ഐ നേതാക്കള്‍ ചോര്‍ത്തി പുറം‌ലോകത്തെത്തിക്കുകയായിരുന്നു എന്നാണ് പിണറായി പക്ഷത്തിന്‍റെ കണ്ടെത്തല്‍. എന്തായാലും വി എസ് വിഭാഗത്തെ തുരത്തിയോടിച്ച് ജില്ലാ സെന്‍റര്‍ പിടിച്ച പിണറായി പക്ഷം എസ് എഫ് ഐ നേതാക്കളുടെ വി എസ് അനുകൂല നിലപാടിനെ എങ്ങനെ കൈകാര്യം ചെയ്യുമെന്ന് എറണാകുളത്തെ പാര്‍ട്ടി നിരീക്ഷകര്‍ വീക്ഷിച്ചുവരികയാണ്
No comments:
Post a Comment
Note: Only a member of this blog may post a comment.